மறுநாள்
பள்ளி போகுமுன்
சுடலையில் தேடிய
சிவனின் சுவடுகளுடன்
ஒடிந்து முறிந்த எலும்புகளும்
பட்டுத்தெறிந்த வெண்சாம்பலும்
நிறைந்திருக்க…

நான் போட்ட புளிய விதை
முளைத்துவிட்டது
என்று சொல்லி
பள்ளிக்கு ஓடினாள்
மீண்டும் அவள்.

வெறும் புள்ளி வைத்துப் பொருள் சொல்
என்றார் லா.ச.ரா
நான் கவிதை என்று எழுதினாலும்
நான் காணா புதுப்பொருள் சொல்ல
மட்டும் யாரும் வருவதில்லை!

சொல்லறு சும்மா இரு என்பதற்குப்பதில்
சொல்லேறே, சும்மா எழுது என்றால்
கவிதை ஒரு கவசமே!